Թիմային աշխատանքը մարդկանց համախմբում է ընդհանուր նպատակին հասնելու համար: Թիմային աշխատանքի և համագործակցության կարևորությունն ակնհայտ է: Երբ մարդիկ աշխատում են միասին, նրանք կարող են իրենց ավելի օգտակար զգալ՝ մաս կազմելով ավելի մեծ թիմի:
Թիմային աշխատանքի հմտությունները կարևոր նշանակություն ունեն թիմի արդյունավետ աշխատանքի համար: Թիմում աշխատելու և համագործակցելու կարողությունը աշխատակիցներին դարձնում է ավելի մրցունակ մասնագետ ցանկացած ոլորտում: Սակայն կարևոր է ընդունել, որ թիմային աշխատանքի հմտությունները միշտ չէ, որ ցանկության դեպքում առաջանում են աշխատակիցների մոտ: Մարդիկ սովորում են դրանք, սակայն պետք է նաև ընդունել, որ թիմում լավ աշխատելն այն հմտությունը չէ, ինչը հեշտությամբ կարող են սովորել վերապատրաստման դասընթացների միջոցով։
Թիմային աշխատանքը պահանջում է փորձ և աշխատանք: Մարդիկ կարող են զարգացնել իրենց հմտությունները աշխատանքի ընթացքում։ Թիմի անդամները ունենում են տարբեր տեսակետներ, հմտություններ և հատկանիշներ: Այդ առումով խմբերը համախմբելիս երբեմն որոշակի լարվածություն կարող է առաջանալ: Թիմային աշխատանքի կազմակերպման բարդ գործընթացը կարող է էլ ավելի դժվարացնել այն հանգամանքը, որ ոչ բոլոր աշխատակիցներն են հասկանում կամ ընդունում թիմային աշխատանքի կարևորությունը աշխատանքային գործընթացը արդյունավետ իրականացնելու համար։ Թեպետ անհատական տիրույթից զատ՝ թիմային աշխատանքի կազմակերպման և իրականացման համար նաև պետք է անհրաժեշտ համապատասխան միջավայր։
Թիմերում գտնվող մարդիկ աշխատում են ընդհանուր նպատակի ուղղությամբ: Սակայն թիմից զատ յուրաքանչյուր անհատ կարող է ունենալ նաև իր սեփական մասնագիտական նպատակները, որոնց ցանկանում է հասնել: Դա չպետք է խանգարի թիմի ներսում աշխատելու համար։ Թիմում յուրաքանչյուրը պետք է իմանա իր նպատակները և ինչի համար է պատասխանատու: Այդ կերպ ցանկացած աշխատանքի ընթացքում առաջացած դժվարությունները հեշտությամբ կշտկվեն: Բացի այդ, թիմի բոլոր անդամները հասկանում են, թե ինչքան կարևոր է իրենցից յուրաքանչյուրի ներդրումը աշխատանքը կատարելու գործում։
Ցանկացած թիմային աշխատանք կատարելու գործընթացում շատ կարևոր է թիմի անդամների տրամադրվածությունը ու ոգևորությունը կիսելու հանգամանքը։ Թիմի անդամները պիտի ազատ զգան կարծիքների փոխանակման համար։ Այդ կարծիքները կարող են լինել տարբեր, և կարևոր է հաշվի առնել բոլորի տեսակետները։ Սակայն նաև պիտի լինեն ընդհանուր կանոններ, որոնց թիմի անդամները նույնպես պիտի հետևեն։ Այդ կանոնները սովորաբար սահմանում են թիմի ղեկավարները՝ թիմի անդամների համաձայնությամբ։
Որոշ տարակարծությունների դեպքում կամ այլ պատճառներով պայմանավորված թիմի անդամների միջև կարող են առաջանալ լարվածություն և աշխատանքային ընդհարումներ։ Դա նորմալ է։ Թե՛ մեծ, թե՛ փոքր թիմերում աշխատելու ընթացքում կոնֆլիկտային իրավիճակները երբեմն անխուսափելի են դառնում, քանի որ միասին աշխատում են տարբեր բնույթի մարդիկ։ Կոնֆլիկտային իրավիճակների ի հայտ գալու դեպքում կարևոր է, որ դրանք արագ հարթվեն։ Նմանատիպ իրավիճակներում թիմի ղեկավարը ստանձնում է միջնորդի դերը առաջացած խնդիրները արագ կարգավորելու համար։ Ղեկավարները պարզապես չեն կարող թերագնահատել կամ անտեսել թիմում աշխատելու կարևորությունը՝ այդպիսով փորձելով օրինակ ծառայել աշխատակիցների համար և ընթացքը վերահսկելու գործառույթը վերցնել իրենց վրա։
Նմանատիպ այլ հրապարակումներ
Բյուրոկրատիա․ Իսկ Ո՞րն է Այլընտրանքը
Ինչո՞ւ է Հաճախորդների Սպասարկումը Այդքան Կարևոր Բիզնեսի Զարգացման Համար